ພິທີເປີດ

ງານເປີດໂຕເຄື່ອງໝາຍການຄ້າໃໝ່, ເຄືອຂ່າຍໃໝ່ ແລະ ບໍລິການໃໝ່

ໃນວັນທີ 15 ພະຈິກ 2019, ທີ່ ໂຮງແຮມ ແລນມາກ, ບໍລິສັດ ອີທີແອລ ຈຳກັດ, ໄດ້ຈັດງານເປີດໂຕເຄື່ອງໝາຍການຄ້າໃໝ່, ເຄືອຂ່າຍໃໝ່, ບໍລິການໃໝ່ ແລະ ພິທີເປີດໃຫ້ບໍລິການ 4,5G ຢ່າງເປັນທາງການພາຍໃຕ້ການເປັນປະທານຂອງ ທ່ານ ບຸນສະເຫຼີມໄຊ ເຄນນາວົງ ຮອງລັດຖະມົນຕີ ກະຊວງໄປສະນີໂທລະຄົມມະນາຄົມ ແລະ ການສື່ສານ, ທ່ານ ຮວງ ສູຢູນ (Huang SHUYUN) ຜູ້ອຳນວຍການໃຫຍ່ ບໍລິສັດ ອີທີແອລ ຈຳກັດ ພ້ອມດ້ວຍຄະນະ ແລະ ແຂກຜູ້ມີກຽດຈາກພາກລັດ ແລະ ເອກະຊົນ, ຕາງໜ້າສື່ມວນຊົນ, ລູກຄ້າ ແລະ ຮ້ານຕົວແທນຈຳໜ່າຍ ຂອງ ອີທີແອລ ເຂົ້າຮ່ວມຢ່າງພ້ອມພຽງ.

ມາເຖິງ ປັດຈຸບັນນີ້ ອີທີແອລ ໄດ້ເປີດໃຫ້ບໍລິການ 4,5G ແລ້ວ ຈຳນວນ 1336 ຈຸດທົ່ວປະເທດ. ນອກຈາກນີ້ ອທອ ຍັງມີແຜນທີ່ຈະສືບຕໍ່ຂະຫຍາຍພື້ນທີ່ໃຫ້ບໍລິການ 4,5G ຕື່ມອີກເພື່ອສະໜອງຄວາມຮຽກຮ້ອງຕ້ອງການຂອງລູກຄ້າທີ່ເພີ່ມຫຼາຍຂຶ້ນ.

ປັດຈຸບັນເຮົາຈະເຫັນວ່າ ການສື່ສານແບບໄຮ້ສາຍໄດ້ຖືກພັດທະນາໄປຢ່າງວ່ອງໄວ ແລະ ເຮັດໄດ້ຫຼາຍຢ່າງຂຶ້ນໄປເລື້ອຍໆ, ໃນນາມບໍລິສັດ ອີທີແອລ ຈຳກັດ ທີ່ເປັນໜຶ່ງໃນຜູ້ໃຫ້ບໍລິການດ້ານໂທລະຄົມມະນາຄົມ ໃນ ສປປ ລາວ ກໍ່ບໍ່ໄດ້ລົດລະໃນການພັດທະນາຕົນເອງ ເພື່ອນຳເອົາເຕັກໂນໂລຊີໃໝ່ໆທີ່ທັນສະໄໝ ແລະ ກ້າວໜ້າມາໃຫ້ບໍລິການແກ່ສັງຄົມລາວຕະຫຼອດມາ ແລະ ການເປີດນຳໃຊ້ 4,5G ໃນຄັ້ງນີ້ຖືເປັນຂີດໝາຍອັນສຳຄັນຂອງວຽກງານການສື່ສານໂທລະຄົມມະນາຄົມຂອງລາວ. ເວົ້າລວມ, ເວົ້າສະເພາະກໍຄື ອີທີແອລ ແລະ ຜູ້ຊົມໃຊ້ໃນລາວ ຈະໄດ້ສຳພັດກັບເທັກໂນໂລຢີທີ່ໄຮ້ສາຍ ແລະ ສາມາດຕິດຕໍ່ກັນແບບບໍ່ມີຂີດຈຳກັດ ພ້ອມນີ້ທັງບໍລິສັດຂອງພວກເຮົາຍັງໄດ້ມີການພັດທະນາ, ຜະລິດຕະພັນໃໝ່, ເຄືອຂ່າຍໃໝ່ ແລະ ບໍລິການໃໝ່ ທີ່ສາມາດຕອບໂຈດຂອງຜູ້ຊົມໃຊ້ທາງໂທລະຄົມມະນາຄົມໄດ້ຢ່າງດີ ແລະ ແນ່ນອນວ່າ ອີທີແອລ ຈະບໍ່ຢຸດຢັ້ງໃນການພັດທະນາທາງດ້ານການສື່ສານ ເພື່ອຕອບສະໜອງການຊົມໃຊ້ທີ່ປ່ຽນແປງໄປເລື້ອຍໆ ແລະ ກ້າວໄປສູ່ຍຸກຂອງ 5G ໃນອະນາຄົດອັນໃກ້ໆນີ້.

ສອບຖາມຂໍ້ມູນໂທ 135