ໃນວັນທີ 24/10/2019, 04 ບໍລິສັດໃຫຍ່ດ້ານໂທລະຄົມ ລາວ-ຈີນ ຄື ບໍລິສັດ ອີທີແອລ ຈຳກັດ (ETL), ບໍລິສັດ ຊາວອີສເອເຊຍ ທາວເວີ ຈໍາກັດ (SAT), ບໍລິສັດ China Mobile International (CMI) ແລະ China Unicom Global (CUG) ໄດ້ຈັດພິທີເຊັນສັນຍາຂອບຂອງການຮ່ວມມືດ້ານໂທລະຄົມມະນາຄົມ ແລະ ການສື່ສານ, ເປັນກຽດເຂົ້າຮ່ວມເປັນສັກຂີພິຍານໂດຍ ທ່ານ ປອ ທັນສະໄໝ ກົມມະສິດ ລັດຖະມົນຕີ, ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ ພ້ອມດ້ວຍຄະນະ ແລະ ທ່ານ Miao Wei, ລັດຖະມົນຕີ ກະຊວງ ອຸດສະຫະກໍາ ແລະ ການຄ້າ ເຕັກໂນໂລຊີຂໍ້ມູນຂ່າວສານ, ສປ ຈີນ ພ້ອມຄະນະ, ການເຊັນສັນຍາຄັ້ງນີ້ ເປັນກຽດລົງນາມໂດຍ ທ່ານ Huang Shuyun ຜຸ້ອຳນວຍການໃຫຍ່ ບໍລິສັດ ອີທີແອລ ຈຳກັດ, ທ່ານ ນາງ Liu Bo ຜູ້ອຳນວຍການໃຫຍ່ ບໍລິສັດ ຊາວອີສເອເຊຍ ທາວເວີ ຈໍາກັດ, ທ່ານ Wang Meng ຜູ້ອຳນວຍການໃຫຍ່ ບໍລິສັດ China Mobile International, Asia Pacific, ທ່ານ Qiu Tao, ຮອງ ຜູ້ອຳນວຍການໃຫຍ່ ບໍລິສັດ China Unicom Global ຈໍາກັດ. ການເຊັນສັນຍາການຮ່ວມມືຂ້າງເທິງຂອງ 04 ບໍລິສັດດ້ານໂທລະຄົມມະນາຄົມຂອງ ສປປ ລາວ ແລະ ສປ ຈີນ ຄັ້ງນີ້ແມ່ນເພື່ອເປັນການພັດທະນາລະບົບໂທລະຄົມມະນາຄົມ ແລະ ຍົກລະດັບໂຄງລ່າງຟື້ນຖານ ດ້ານໂທລະຄົມມະນາຄົມໃນ ສປປ ລາວ ສູ່ສາກົນດ້ວຍບາດກ້າວໃຫມ່ຕາມທິດທາງຂອງ ພັກ ແລະ ລັດຖະບານທີ່ມີເປົ້າໝາຍປ່ຽນຈາກ Land Locked ເປັນ Land Link. ນອກຈາກນັ້ນ, ການລົງນາມເຊັນສັນຍາຂອງບັນດາບໍລິສັດໃນຄັ້ງນີ້ ຍັງແມ່ນວຽກງານໜື່ງທີ່ຕິດພັນກັບການພັດທະນາເສດຖະກິດ-ສັງຄົມ ບົນຟື້ນຖານການຮ່ວມມືຂອງ ສອງ ກະຊວງ ເຊີ່ງແມ່ນວຽກງານໜື່ງໃນການຂັບເຄື່ອນວຽກງານ “ໜື່ງແລວ ໜື່ງເສັ້ນທາງ” ຂອງ ສອງພັກ, ສອງລັດ ລາວ - ຈີນ.

ສອບຖາມຂໍ້ມູນໂທ 135